Para se serialet turke të pushtonin televizionet shqiptare, të preferuarat tona ishin serialet spanjolle.

Duke nisur që nga Kasandra, Esmeralda, María Teresa e shumë e shumë të tjera pas të cilave ishim të fiksuar.

Gruaja, e cila qëndron prapa këtyre serialeve, ka ndërruar jetë në moshën 96 vjeçare.

Delia Fiallo edhe vetë jetën e saj e kishte si një film, por me skenarët e saj që burri regjisor ia sillte në jetë ajo arriti të pushtojë zemrat e publikut kudo në botë.

Delia ishte nga Kuba dhe regjimi shtypës e çon atë të ikë në Miami me nënën, burrin, pesë fëmijët, dadon e fëmijëve dhe tre skenare.

E detyruar të rifillojë karrierën e saj, ajo shet telenovelat e saj në një transmetues në Venezuelë dhe fillon të nxjerrë 35 faqe në ditë, duke shkruar telenovela që prodhohen në të gjithë Amerikën Latine.

Duke arritur një audiencë prej miliona, ajo nënshkruan një kontratë televizive dhe bëhet e njohur si “la madre de la telenovela”, nëna e telenovelës.

Lajmin për vdekjes e saj duke mos zbuluar shkaqet e dha e bija e saj Delia Betancourt.