Dasma mbretërore e Princit Harry dhe Meghan Markle ka përfundur dhe mund të themi me siguri që ishte e mrekullueshme dhe e përsosur në detaj. Por sërish kishte diçka që nuk shkonte. Mungonte Princeshë Diana, e ëma e princit dhe të gjithë e ndjemë mungesën e saj. 

Djali i saj Princi Harry u sigurua që të përfshinte nënën e tij të ndjerë në ceremoninë e martesës nëpërmjet buqetës me lule të Meghan-it.

Sipas korrespodentit të familjes mbretërore Emily Nash, Harry zgjodhi dje disa lule nga kopshti i tyre privat në Kensington Palace, ku dominonin lulet e preferuara të Princeshë Dianës, në kujtim të saj.
Buqeta me lule përfshinte edhe jasemini të cilat janë një traditë mbretërore.

Me siguri Princeshë Diana ndihet shumë krenare për djalin e saj dhe i uron më të mirat!