Në më pak se një javë, ka ditëlindjen vajza e çiftit më të përfolur të momentit Kim Kardashian dhe Kanye West, North West.

Ajo mund të jetë vetëm 5 vjeç, por dhuratat që e presin kanë vlerën e… Me çfarë t’jua krahasojmë? Shkurt, për ne, do të kishin vlerën e një jete më të mirë!

Mamaja e saj, Kim, postoi në Instagram të premten një video të një çanteje të vockël me printe leopardi nga i madhi Alexander Wang e cila minimalisht kushton 750 dollarë.

Vetë stilisti ja kishte dërguar North si dhuratë për 5 vjetorin e saj, me një letër që lexonte:

“North, gëzuar ditëlindjen! Çdo vajzë ka nevojë për pak shkëlqim. Shpresoj që t’a (këtu kishte vendosur një emoji zemër, që nënkuptonte dashurinë). Alex”

“O zot, North është vajza më me fat në botë,” tha Kim në Instagram. “Kush merr çantë si kjo nga Alexander Wang? Dua t’a vjedh. Alex, faleminderit. Me shumë mundësi do t’a vjedh.”

Ajo gjithashtu ekspozoi një çantë tjetër më të vogël me kristale të qëndisura në të, po nga stilisti i famshëm.

Vogëlushja ka një garderobë e cila në 2016-ën është raportuar se shkon me një vlerë mbi 1 milionë dollarë.