Shumë pak veta e njohin me emrin e tij të vërtetë Olsi Bylyku pasi për të gjithë është i njohur si “Kimikati”. Që kur doli për herë të parë në “Portokalli”, Olsi u pëlqye shumë nga publiku sepse solli një rol shumë interesant, duke përfaqësuar stereotipet më të çuditshme dhe njëherësh të zakonshme të të rinjve shqiptarë të ditëve të sotme.

Aktori i njohur i humorit ka vendosur që pushimet mesa duket t’i kalojë në jug ndërkohë që vazhdon turin “Verë dhe Portokalle”. Teksa ka qenë duke bërë një xhiro me varkë në plazhin e Grames, duket se i ka shkuar për vizitë një mik shumë i veçantë. Në një video të postuar në profilin e tij, duket një delfin i cili i shoqëron gjatë xhiros.