Ajo është një nga këngëtaret më të mirat shqiptare dhe një nga figurat më të dashura për publikun, por si gjithë të tjerët edhe Miriami merr kritika. Të jep përshtypjen e vajzës së ëmbël por siç duket për arsye të ndryshme ajo nuk mund t’ua bëjë qejfin të gjithëve.

Prej disa sezonesh, Miriami është pjesë e jurisë në “The Voice Kids”, madje ajo është e preferuara e fëmijëve që konkurojnë.

Megjithatë duket se një situatë aspak e hijshme ka ndodhur pas emisionit të kësaj të premteje. Siç tregon edhe një komentuese në një foto të Miriam Canit, shumë fëmijë kanë dashur të bëjnë foto me anëtarët e jurisë pas emisionit por ata janë larguar menjëherë nga skena duke lënë një shije të shëmtuar, siç thotë ajo.

Por Miriam është treguar shumë e kujdesshme dhe i ka shpjeguar komentueses se nuk ka ndodhur prej mosdëshirës, por prej situatës që krijohet gjithmonë pasi mbaron spektakli si dhe i jep asaj të drejtë.