Çdo ditë e më tepër rreziku nga konsumimi i produkteve të skaduara është evident. Nuk ka ditë që AKU  bllokon ushqime të skaduara , mish me salmonelë e pa llogaritur kushtet skandaloze në të cilat mbahen apo tregëtohen produktet. Së fundi 1032 copë çokollata, 8 litra qumësht, 9 biskota, 20 patatina, 833 litra birrë, 95 litra lëngje, 10 kg suxhuk, janë sekuestruar pasi mbaheshin në kushte të pa përshtatshme.
Autoriteti Kombëtar i Ushqimit thotë se ka evidentuar tre subjekte në Lushnje, Gramsh dhe Kukës, të cilët kryenin veprimtari në kundërshtim të plotë me ligjin e sigurisë ushqimore. Ndaj subjekteve është marrë masë administrative gjobë si dhe konfiskim e asgjësim të produkteve ushqimore. Por çfarë duhet të bëjë konsumatori kur është i riskuar edhe në markete, jo më të mendojë blerjen e tyre tek tregëtarët ambulantë?