Modelja Arbenita Ismajli aq e përfolur në showbizin shqiptar jo vetëm për sukseset në lidhje me karrierën e saj, por edhe për shkak të lidhjes së saj tashmë të bërë publike me rreperin e famshëm Fero, di gjithmonë si të na bëjë për vete me format e saj elegante.
Shpesh herë kemi dëgjuar se modelingu kërkon sakrifica të mëdha në lidhje me përmasat e duhura trupore, dhe këtë gjë na e ka vërtetuar edhe një herë Arbenita nëpërmjet një postimi ne Instastory.
Siç duket, transformimet rrënjësore nuk i pëlqejnë aspak modeles, pasi siç edhe ajo vetë e përshkruan, pas humbjes së disa kilogramëve, ajo është prekur në shëndetin e saj mendor.
E megjithëse të humbasësh peshë mund të jetë një “ëndërr” e pa realizueshme për shumë vajza, duket se nuk mund të themi të njëjtën gjë për Arbenitën.
“Humbja e peshës më ndikon kaq shumë në shëndetin mendor! Por besoj se disi duhet të pranoj sesi trupi im ndryshon ndonjëherë.” - ka shkruan modelja.