Deputeti i PD-së Ervin Salianji publikoi në emisionin “Opinion” në Tv Klan një video ku në një kamer të fshehtë Fredi Alizoti, personi që sot pranon se ka aktruar zërin e Agron Xhafajt rrëfen krejt të kundërtën.

Në pamjet e transmetuara, Alizoti nuk e di se po regjistrohet thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat mazhorancës.

“Je me ne apo me ata” – i ka thënë Veliu, Fredi Alizotit. Ky i fundit thotë se e ka takuar edhe Taulant Balla me 2 persona të tjerë. Ai rrëfen se si po i bëhej presion që të pranonte se ishte ai që kishte folur si Agron Xhafaj në bisedën me Babalen.

Fill pasi Ervin Salianji publikoi videon e fshehtë ku Fredi Alizoti thotë se është detyruar nga drejtori i policisë Ardi Veliu të thotë se ishte zëri i tij, ai i Agron Xhafës në denoncimin e “Babales” analisti Mustafa Nano ka shpërthyer ndaj deputetit të PD.

“Ça është kjo? Çfarë provon kjo? O k**e kandari po të perdorin, do shkosh në burg” i tha Muç Nano i revoltuar Salianjit i cili gjithashtu nuk ka kursyer fyerjet.

“Është një idiotesi e madhe more” përforcoi Lorenc Vangjeli.

Por Salianji ka thënë se këto ishin provokime me qëllim për të hequr vëmëndjen nga skandali i audio-përgjimit të vellait të Ministrit të Brendshëm.