Gjenerata e tetë e serisë së smartfonëve, Galaxy S8 dhe S8+ i shtyn në pafundësi kufijtë e ekranit të celularëve tradicionalë, shërbime të lidhura ekosistemi dhe një ndërfaqe inteligjente.

Samsung Electronics prezantoi sot në Tiranë gjeneratën e tetë të telefonave të mençur Galaxy S8 dhe Galaxy S8+, telefonat inteligjentë që shtyjnë kufijtë e celularëve tradicionalë me dizajnin e mrekullueshëm dhe shumëllojshmërinë e shërbimeve të reja. Me lançimin e shërbimeve dhe aplikacioneve të shumta, si dhe me Ekranin mahnitës pa Kufij për një eksperiencë të të shikuarit 3D, Galaxy S8 dhe Galaxy S8+ sjellin një nivel të ri të funksionalitetit dhe komoditetit, duke hapur një galaksi mundësish për përdoruesit. 
Detajet teknike dhe karakteristikat e të dy smartphone-ve u prezantuan nga Julian Kamberi, Menaxher Teknik për Samsung i cili shprehu entuziazmin e tij në prezantimin e përformancës më të fundit të Samsung. "Kur projektonim këto pajisje të reja, qëllimi ynë kryesor ishte të krijonim telefona inteligjentë që nuk kanë kufij dhe që lejojnë klientët tanë të zbulojnë mundësi dhe eksperienca të reja. Jam i sigurtë se tani që po e shikoni e provoni vetë, ju do të bini dakort me mua se rezultati përfundimtar është vërtetë i mrekullueshëm. Galaxy S8 dhe S8+ dhe pajisjet shoqëruese do të jenë prezent në Shqipëri dhe në Rajon duke filluar nga sot, 28 prill."

Gjatë prezantimit të telefonave të rinj Galaxy S8 dhe Galaxy S8+, të pranishmit u informuan dhe provuan eksperiencën e shkëlqyer të karakteristikave fantastike si ekrani pa kufij, cilësia e mrekullueshme e imazhit, mënyrën e re e ndërveprimit me telefonin si dhe risitë e reja jashtë telefonit. Këtu mund të përfshijmë kameran e re Gear 360, e cila sjell mundësinë e regjistrimit 4K në 360 gradë, me transmetim të drejtpërdrejtë, si dhe një shtesë fantastike për Samsung Dex, e cila ofron produktivitetin më të mirë në lëvizje, me mundësinë e lidhjes të S8 me një monitor, tastierë dhe maus, për përvojë pune të ngjashme me atë të një kompjuteri desktop.

Galaxy S8 dhe Galaxy S8+ janë ndërtuar mbi trashëgiminë e krijimit të dizajneve mahnitëse dhe pajisjeve funksionale të Samsung. Në dispozicion janë modelet 5.8 inç për Galaxy S8 dhe 6.2 inç për Galaxy S8+, Ekrani pa Kufij dhe dizajn pa kornizë formojnë një sipërfaqe të lëmuar, pa butona apo kënde të ashpra. Rezultati është një eksperiencë shikimi me të vërtetë impresionuese pa shpërqëndrime dhe e bën multitasking më të lehtë. Dizajni kompakt i Galaxy S8 mundëson përdorim të përshtatshëm me një dorë dhe xham Corning Gorilla Glass 5 si para ashtu dhe prapa për qëndrueshmëri dhe cilësi të lartë.
Në vazhdimësi të inovacioneve të reja të dizajnit, Samsung Galaxy S8 dhe S8+ janë pajisur me kamera premium 8 MP F1.7 inteligjente me autofokus të avancuar në pjesën e përparme dhe kamera 12MP F1.7 Dual Pixel në pjesën e pasme për foto më të mira edhe kur drita është e ulët, zmadhim më të mirë dhe anti-blur për përpunime të zgjeruara të imazhit.

Bixby është një ndërfaqe inteligjente që do të ndihmojë përdoruesit të kuptojnë më shumë telefonin e tyre. Me butonin e ri Bixby, ata janë në gjendje të hyjnë në BIXBY dhe të lundrojnë në shërbimet dhe aplikacionet me zë, prekje, vizion dhe komanda teksti. Në lançim, funksioni Voice BIXBY do të integrohet me disa aplikacione bazë të Samsung dhe funksione duke përfshirë kamerën, kontaktet, galerinë, mesazhet dhe menunë, me planin për të zgjeruar kapacitetet e saj për të përfshirë më shumë aplikacione Samsung dhe aplikacione të palës së tretë në të ardhmen e afërt. Aftësitë e ndërgjegjësimit kontekstual i mundësojnë BIXBY të ofrojnë ndihmë të personalizuar bazuar në atë që ajo mëson në mënyrë të vazhdueshme në lidhje me interesat, situatat dhe vendndodhjet e përdoruesit.
Përdoruesit gjithashtu mund të bëjnë blerje, të kërkojnë për imazhe dhe të marrin informacione për vendet afër tyre me teknologjinë e njohjes së imazhit të Bixby. Ndërkohë që ekosistemi i Bixby do të rritet, ai do të lidhë aplikacionet dhe shërbimet mes pajisjeve si një ndërfaqe gjithpërfshirëse dhe do të hapë eksperienca dhe skenarë të rinj për t'iu thjeshtësuar jetën përdoruesve.

Galaxy S8 dhe Galaxy S8+ do të jenë në shitje në Shqipëri duke filluar nga data 28 Prill, pra sot. Do të ofrohen me disa ngjyra që përfshijnë ngjyrën e Zezë të Mesnatës, ngjyrën Gri Orkideje dhe ngjyrën e Argjendtë të Arktikut. Çmimet e sygjeruara të shitjes me pakicë janë 109.900 Lekë për Galaxy S8 dhe 123.900 Lekë për Galaxy S8+.