Ministri i Brendshëm, Sandër Lleshaj pas ngjarjeve të rënda ku konflikti për një banesës pranë shkollës ‘Petro Nini Luarasi’ ka përplasur banorët me policinë ka reaguar për sjelljen e bluve.

Me anë të një postimi në rrjetet sociale, Lleshaj kërkoi mirëkuptim për policinë, pasi e detyrim ligjor të mbështesë përmbarimin.
Por vijon duke thënë se në këtë rast policia nuk ka qenë dinjitoze dhe efikase.

Statusi i plotë:

‘Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë.
PSH ka detyrimin ligjor të mbështesë përmbarimin, por ka edhe detyrimin të jetë dinjitoze dhe efikase. Kjo s'ka ndodhur në këtë rast!’, shkruan Lleshaj.