Policia e Sarandës ka bërë të mundur sekuestrimin e 55kg lëndë narkotike kanabis stativa dhe të prangosë dy persona.
Sipas uniformave blu lënda narkotike u sekuestrua në fshatin Sjeleger, pranë banesës së 55 vjeçarit Alfred Tusha i cili tashmë është në pranga.
Në pranga gjithashtu ka rënë dhe 23 vjeçari Klajdi Tusha dhe ai banues në të njëjtin fshat.
Policia ka sekuestruar sasinë e lëndës narkotike në cilësinë e provës materiale, si edhe ka referuar materialet hetimorë në Prokurori për veprën penale ''Prodhimi dhe shitja e narkotikëve'', parashikuar nga neni 283/2 të Kodit Penal.