Seldi tha që ka shumë respekt për të pas ndarjes, Mimoza Shkodra bën këtë reagim [VIDEO]

Publikuar më: 20:44 26-09-2018

Pasi Seldi konfirmoi ndarjen në “Dance With Me”, reagon për herë të parë dhe Mimoza Shkodra

Gjatë natës së parë të spektaklit “Dance With Me”, këngëtari shqiptar Seldi konfirmoi lajmin se ai dhe Mimoza Shkodra i kishin dhënë fund fejesës. Madje u shpreh se edhe përse janë ndarë, ka shumë respekt për të dhe familjen e saj. Të gjithë e prisnim një reagim nga Mimoza Shkodra, por ajo vendosi të qëndronte në heshtje.

Mirëpo mbrëmjen e sotme, ka publikuar në rrjetet sociale një video ku përshkruhet qartë gjendja e saj emocionale. Ajo “sfidon” Seldin në kërcim, teksa shfaqet duke vallëzuar e lumtur në mes të rrugës e veshur krejt sportive. Duket se pas ndarjes, Mimoza Shkodra ka gjetur qetësinë dhe po i kushton më shumë kohë vetes.