Hmm nuk dihet nëse bëhet fjalë për një duet, por e sigurt është që Wiz dhe Selena po bashkëpunojnë për muzikë të re. Këtë fakt e konfirmon një video e postuar mbrëmjen e së enjtes në Snapchat-in e reperit, ku dy artistët janë shfaqur në një studio regjistrimi, ndërkohë që Gomez shihet duke lëvizur kokën nën tingujt e muzikës dhe duke i dhënë një puthje të gjithë ndjekësve të Wiz Khalifa-s. Në fakt me herët gjatë muajit shkurt, Selena Gomez pati deklaruar për iHeartRadio se po përgatitej t'i futej punës në studio me të gjithë bashkëpunëtorët e saj të dashur dhe se ndihej më e frymëzuar se kurrë. Ju kujtojmë se momentalisht këngëtarja po bëhet gati për tour-in e saj "Revival" i cili do të startojë në Las Vegas më 8 maj!