Gjërat kishin filluar të bëheshin hapur kur Selena dhe Orlando po putheshin dhe po përqafoheshin në një klub nate, këtë fundjavë. Nëse kishit menduar se takimi mes tyre do të përfundonte aty, atëherë gaboheni.

Takimi mes Orlando Bloom dhe Selena Gomez, nuk përfundoi në klub, sepse TMZ ka postuar një video të dyshes, duke u larguar së bashku në të nga klubi i natës në Mandalay. Në video, duket Selena e veshur me një fustan të argjendtë dhe Orlando u përpoq të fshihej pasi kishte vënë një kapele dhe mbante kokën e ulur poshtë.

Video i tregon gjërat e qarta, por një nga burimet e afërta të TMZ me Selenan thotë se ka pasur edhe njerëz të tjerë brenda në makinë, dhe të gjithë bashkë shkuan për të ngrënë në fast food.

Ajo çka na shqetëson në këto momente është Katy Perry, e cila me siguri nuk i ka pritur mirë këto ngjarje.