Çdo ditë e më shumë, lajme të mira vijnë për Selena Gomez! Shoku dhe bashkëpunëtori i saj ka postuar një foto të këngëtares dhe fansat u “çmendën” nga gëzimi. Nuk është shumë e qartë se ku ekzaktësisht është kapur foto, por siç duket nga komentet dhe pamjet, është një studio muzikore, në të cilën Selena po regjistron një këngë të re. Në foto ajo është duke bërë make up dhe miku i saj “fotografi” shkroi “Muzikë dhe dashuri”.

Ata kanë bashkëpunuar në albumin “Revival” të këngëtares 24 vjeçare dhe fakti që ai përmend muzikën në atë shkrim na bën të kuptojmë se ata po kurdisin diçka.  Domosdo fansat vërshuan me komente kur fotografia u postua, dhe një nga fansat ishte edhe ish-i i saj “Nick Jonas”. Këngëtari i njohur komentoi thjesht një emoji me duar që nënkuptojnë lutjen. Epo rikthim më të bukur se ky nuk ka!