Viruset dhe sëmundjet ngjitëse infektive janë problem për banorët e të gjitha shteteve të botës. Po si mund të eleminohen apo kalohen sa më lehtë? Organizata Botërore e Shëndetësisë e ka një përgjigje, vaksinohuni. 

Falë vaksinave, lija po shkon drejt zhdukjes. Sipas ekspertëve të OBSH-së rastet e fruthit, rubeolës, tetanozit dhe shumë sëmundjeve të tjera kanë rënë në mënyrë drastike. Po dhe të prekurit nga poliomelitit janë zvogëluar me 99.9%.
Aktualisht, imunizimi parandalon 2 deri 3 milionë vdekje çdo vit dhe një numër prej 1.5 milionë vdekjesh mund të shmanget nëse mbulimi global i vaksinimit përmirësohet dhe më shumë.
Përveç parandalimit të vuajtjes dhe vdekjes, duke kontribuar në shëndetin dhe mirëqenien e njerëzve të të gjitha moshave, vaksinat gjithashtu ndihmojnë në ndërtimin e mbështetjen e ekonomive dhe shoqërive të forta.
Ka dhe shumë zëra që e lidhin për autizmin me vaksinimin. Po Organizata Botërore e Shëndetësisë sqaron se nuk ka dëshmi të një lidhjeje ndërmjet vaksinave dhe çrregullimeve të spektrit autik.
Madje dhe një studimi i vitit 1998, i cili ngriti shqetësime rreth një lidhjeje të mundshme ndërmjet vaksinës së fruthit-shytave-rubeolës dhe autizmit, më vonë u zbulua se kishte të meta dhe ishte mashtrues. Artikulli më pas u tërhoq nga revista që e publikoi atë.