Shkencëtarët, për herë të parë, kanë çliruar me sukses embrionet nga një pjesë e gabuar e ADN-së që trashëgohen në familje. Ky  ndryshim do të bëjë të mundur parandalimin e 10.000 çrregullimeve që kalojnë nëpër gjenerata. Ekipi i studiuesve nga SHBA dhe Koreja e Jugut lejuan që embrionet të zhvilloheshin për pesë ditë përpara se të ndalonin eksperimentin. Studimi lë të kuptohet se kjo do të jetë e ardhmja e mjekësisë, por gjithashtu provokon pyetje të thella për atë që është moralisht e drejtë. Shkenca po kalon një epokë të artë në redaktimin e ADN-së falë një teknologjie të re të quajtur Crispr, që u konsiderua si zbulimi  i vitit 2015. Aplikimet e saj në mjekësi janë të mëdha dhe përfshijnë idenë e fshirjes së gabimeve gjenetike që shkaktojnë sëmundje nga fibrozë cistike në kancerin e gjirit. Ekipet amerikane në Universitetin e Shëndetësisë dhe Shkencës në Oregon dhe Instituti Salk së bashku me Institutin për Shkencat Bazë në Korenë e Jugut u përqendruan në kardiomiopatinë hypertrophic. Çrregullimi është i zakonshëm, prek një në çdo 500 njerëz dhe mund të çojë në ndalimin e beftë të zemrës. Ky problem shëndetësor shkaktohet nga një gabim në një gen të vetëm dhe kushdo që e ka atë,  ekziston mundësia 50 me 50 për qind për ta kaluar atë tek fëmijët e tyre. Studiuesit realizuan me sukses riparimin gjenetik gjatë konceptimit duke e çliruar embrionin nga pjesa e gabuar e ADN-së.