Tashmë është zyrtare, kapiteni i Fiorentinës do të ketë shirit kapiteni të veçantë nga të tjerët. Liga Italiane e futbollit ka vendosur që vetëm për kapitenin e Fiorentinës të mos zbatohet rregulli për uniformitetin e shiritit të kapitenit.

Vendimi është marrë nga asambleja e Ligës Italiane të Futbollit dhe German Pacella këtë sezon do të ketë një shirit kapiteni unik në Serie A. Në shiritin e kapitenit të ekipi violë janë të shënuara simbolet “DA 13” dhe stema e Fiorentinës.

Përjashtimi erdhi për shkak të rëndësisë simbolike që kishte ky shirit në dallim nga të tjerët, pasi është një dedikim për ish-kapitenin e kësaj skuadre, Davide Astori, i cili ndërroi jetë në mënyrë tragjikë disa muaj më parë.

Më herët Liga Italiane e Futbollit kishte vendosur që për të gjithë kapitenët e skuadrave të Serie A të kishte një shirit uniform. Vendimi erdhi pas disa kërkesave që ishin bërë më herët për shkak se shiritat kapitenëve ishin shumë vështirë të dallueshëm nga një ekip në një tjetër.