Vite më parë, të dy ishin në gjyq pasi regjisori Bombaj akuzonte reperin e njohur për gjobvënie, ndërsa ky i fundit akuzonte regjisorin për përdhunimin e një minoreneje. Këtë herë incidenti ka ndodhur në një aktivitet në rrugën “4 dëshmorët”, mesditën e djeshme në Tiranë. Nga policia mësohet se, për arsye që ende nuk janë bërë të ditura, Stresi ka sharë Bombajn si dhe i ka hedhur atij një kovë me ujë sipër. Bombaj ka ngritur padi në policinë e Tiranës dhe artisti 30 vjeçar po procedohet penalisht.