Ministria e Arsimit ka njoftura maturantët, të cilët nuk arritën dot të plotësojnë në kohë Formularin e Aplikimit për në universitete se për ta do të kenë një shans të dytë, duke filluar nga data 15 shtator. Qendra e Shërbimeve Arsimore do të rihapë portalin Online të Maturës Shtetërore, për një raund të dytë regjistrimesh, që do të mbyllet në datën 22 shtator. Maturantët e interesuar do të mund të kryejnë aplikimet në datat e paracaktuara përmes një kalendari, sipas qarqeve përkatës.