Gati 40 persona, kryesisht gra dhe fëmijë mendohet se u vranë gjatë sulmeve ajrore të koalicionit të udhëhequr nga Shtetet e Bashkuara, kundër grupit të fundit të mbajtur nga Shteti Islamik në Siri, pranë kufirit me Irakun.

I pyetur për raportimet e sulmeve ajrore në zonën Buqan pranë Hajinit, zëdhënësi i koalicionit konfirmoi se kishte pasur sulme, por mohoi se kishte viktima civile.
Kolonel Sean Ryan, tha se “koalicioni merr masa të mëdha për të identifikuar dhe goditur objektivat e duhura të ISIS, në mënyrë që të shmanget viktima civile”.
Agjencia e lajmeve e Shtetit Islamik citoi një burim mjekësor që sqaronte se 40 vetë ishin vrarë, një pretendim që ishte bërë edhe nga mediat siriane. Të afërmit e familjeve të zonës dhe të mediave siriane thanë se dhjetëra njerëz janë vrarë në dy javët e fundit nga sulmet ajrore të koalicionit në SHBA në Hajin dhe në zonat përreth tij.
Qeveria siriane protestoi pak më shumë se një javë më parë në Organizatën e Kombeve të Bashkuara rreth një sulmi ajror nga koalicioni i udhëhequr nga Shtetet e Bashkuara kundër Shtetit Islamik, ku thuhej se u vranë 26 civilë në Hajin.