Rreziku i shembjes së një pallati në Gjirokastër ka detyruar pushtetin vendor të nisë evakuuimin e 15 familjeve në lagjen “Punëtori”. Shkak është bërë çarja e tokës pranë pallatit, paraprakisht për shkak të gërimeve të një ndërtese aty pranë.

Evakuuimi ka nisur gjatë orëve të vona të natës së mbrëmshme për shkak të thellimit të çarjes së tokës. Familjet janë vendosur për momentin në konviktin e shkollës së mesme pedagogjike.