Në Basel të Zvicrës u zhvillua dueli në Kickbox për titull të kampionit botëror në mes të Shemsi Beqirit dhe holandezit William Dindier.

Në ngjarjen e madhe “Supro Fight Nicht”, kampioni i shumëfishtë botëror Shemsi Beqiri e pati meçin kryesor me ç’rast mposhti holandezin William Diender pas tre raundeve në kategorinë e peshave të mesme.

Kickboksieri shqiptar, me këtë fitore mbrojti titullin e kampionit botëror për të 12-ën herë, raporton Koha.net.

Diender ka eksperiencë të madhe në kikboks, ku gjatë karrierës së tij ka zhvilluar 102 meçe me bilanc prej 62 fitoresh (32 KO), 38 humbje dhe dy barazime. Ndërsa Beqiri ka bilanc prej 74 fitoresh (37 KO), 9 humbje dhe një barazimi në gjithsejtë 83 meçe profesioniste të zhvilluara deri më tani.

Vlen të theksohet se Beqiri u rikthye në ring pas 15 muajve pushimi.