Dashi-Dita e sotme pritet të jetë përgjithësisht e mirë sepse do të dominojë pozitiviteti i Mërkurit dhe i Afërditës. Veçanërisht në planin sentimental priten zhvillime të reja.

Demi-Sot është mirë që të tregoheni shumë të matur dhe të durueshëm, pasi vetëm kështu mund të përballoni një ditë plot përplasje. Mundohuni të mos qëndroni prapa të tjerëve.

Binjakët-Është një periudhë jo shumë e mirë kjo që po kaloni, por duhet të tregoheni të duruar, pasi është një situatë e përkohshme. Nuk ju mungojnë as aftësitë dhe as optimizmi për t’ia dalë mbanë.

Gaforrja-Për arsye se yjet në shenjën tuaj nuk janë në një pozicion favorizues për ju në aspektin ekonomik, do të ishte mirë që sot ta mblidhnit pak dorën për të mos shpenzuar shumë.

Luani-Jeta juaj në çift do të mbrohet gjatë gjithë kohës nga yjet ditën e sotme. Do të keni një marrëdhënie të bukur me partnerin dhe do të surprizoni njëri-tjetrin. Me shpenzimet duhet të tregoheni të kujdesshëm sepse do të përballeni me vështirësi të mëdha nëse fillojnë problemet.

Virgjëresha-Nëse keni probleme me partnerin/en, duhet të flisni me të dhe të shprehni çdo shqetësim që keni. Të gjitha problemet e kanë një zgjidhje. Ndërsa në aspektin financiar do të jeni me fat, nuk do të keni asnjë vështirësi.

Peshorja- Do të keni probleme të vogla në çift, dhe për këtë do të ndikojë edhe rutina e ditës. Kujdes me xhelozinë me partnerin/en. Sa i përket financave, situata do të mbetet pozitive pavarësisht dëshirës tuaj për të kryer shpenzime.

Akrepi-Qielli juaj sot është mjaft i ngarkuar dhe parashikohet një ditë intensive, si në impenjimet e karakterit profesional ashtu edhe në çështjet që kanë të bëjnë me ndjenjat.

Shigjetari-Tregohuni sa më të matur në jetën sentimentale dhe mos thoni gjëra të nxituara. Çdo gabim nga ana juaj mund të sjellë pasoja dhe t’ju fusë në konflikt me partnerin/en. Në lidhje me financat, nuk do të keni probleme dhe do të jeni të qetë gjatë gjithë kohës.

Bricjapi- Marrëdhënia me partnerin/en do të jetë e shkëlqyer sot. Në çdo moment do të kaloni momente të bukura. Në planin financiar gjërat nuk do të jenë aspak të lehta, megjithatë me pak më shume kujdes mund t’ia dilni mbanë.

Ujori- Nën dominimin total të Afërditës në shenjë do të ndjeni një lloj sigurie dhe ngrohtësie që do t’ju risjellë qetësinë e munguar shpirtërore. Duhet të jeni më të hapur me partnerin.

Peshqit-Duket se është dobësuar disi ndikimi i Marsit, ndërsa gjithnjë e më aktive është Hëna që stimulon ndjeshmërinë dhe sentimentalizmin tuaj. Ju këshillohet të tregoheni tolerantë me partnerin.