Marina dhe Luana Vjollca janë motrat më simpatike të shoëbiz-it shqiptar. Ato e kanë nisur bashkë rrugëtimin e tyre në media dhe shpesh i kishim zili për marrëdhënie e tyre. Por mesa duket gjërat nuk janë ashtu siç duken dhe sigurisht që mes tyre do të ketë edhe zënka të vogla, siç ndodh zakonisht mes motrave. Marina dhe Luana kanë zënkat e tyre,që së fundmi e kanë treguar nëpërmjet disa postimeve dhe komenteve në “Instagram”.

Ka qenë Marina që e ka ‘ngacmuar’ sërish Luanën nëpërmjet një fotoje që ajo ka postuar, e cila shfaqet me motrën e madhe Lira dhe ka treguar se pikërisht ajo është shkaku që mes motrave ka xhelozi. “Edhe i thashë 100 here mos më perqafo se bëhet Luana xheloze, po s’kisha ç’bëja, më mbante me forcë”, ka shkruar Marina tek fotoja.

Nuk ka munguar edhe reagimi menjëhershëm i moderatores e cila e ka ‘kërcëuar’ se do të publikojë bisedat e tyre. “Dëgjo ça po të them, do ta publikoj bisedën e plotë nëse vazhdon!!!”, ia ka kthyer Luana. 

Shakatë e tyre nuk ndalojnë aty dhe ka komentuar sërish Marina e cila me të qeshur i ka thënë që do ta bëjë bllok. “Po më shqetësove më, do të bëj block. Çpo të bëj unë e shkreta nuk e kuptoj, hej zot”, i ka shkruar Marina.

Vlen të theksojmë se nuk është hera e parë që Luana dhe Marina ‘zihen’ për motrën e tyre Lira.