Dy ditë pas humbjes së saj të papritur në turneun francez të tenisit, Roland Garros, Serena Williams arriti një fitore historike. Këtë herë jo më në fushë, por në kuletë, ku u zgjodh nga revista Forbes si sportistja femër më e paguar e vitit. Ky është një rezultat historik, me amerikanen 34 vjeçare që zbret Maria Sharapovën nga froni pas plot 11 vitesh. Williams fitoi bukurinë e 28.9 milionë dollarëve përgjatë 12 muajve të fundit sipas raportimeve të revistës prestigjoze financiare. Dhe ndërkohë që vetëm tani po ia del të triumfojë në vlerë parash, ajo e ka dominuar tenisin për më shumë se një dekadë, duke fituar 20 Çmime të Mëdha që nga viti 2002.