Kitara elektrike, me të cilën ka performuar këngëtari amerikan Bob Dylan është shitur në një ankand për 490 mijë dollarë. Ankandi është mbajtur në Dallas dhe blerësi i kësaj kitare ka dashur që të mbetet anonim.
Kitara e tipit Fender Telecaster e vitit 1965, gjithashtu është përdorur edhe nga Eric Clapton dhe George Harrison. Instrumenti muzikor i përkiste kitaristit të Dylanit, Robbie Robertson.
Në vitin 2013, një kitarë elektrike, e tipit Stratocaster, që Dylan e kishte përdorur për Festivalin New port Folk më 1965, ishte shitur për 965 mijë dollarë.
Gjithashtu në ankand, kitara e parë elektrike e anëtarit të The Beatles, George Harison është shitur për 430 mijë dollarë, ndërkaq një kitarë e Elvis Presley është shitur për 115,200 dollarë.