Dikur kishin shkëndija dashuria dhe ishin një nga çiftet më simpatikë, mirëpo asokohe Dua Lipa nuk ishte kaq e famshme. Ndoshta Ledri nuk e kishte marrë edhe aq seriozisht talentin e Duas e cila tashmë është një nga yjet e muzikës botërore, ama ata kanë mbetur shokë.

Por siç duket, simpatinë për Duan, nuk e ka humbur as e ëma e Ledrit, Xheraldina. Në një foto të postuar nga e ëma e Dua Lipës, ku shihet këngëtarja kur ishte bebe, ka komentuar e ëma e Ledrit ku thotë që ka qenë zemër që e vogël. 

Jo vetëm kaq, por edhe babai i Dua, Dukagjin Lipa, organizator i festivalit më të madh ballkanik, Sunny Hill Festival ka postuar posterin e Ledrit, i cili do të jetë një prej artistëve që do të ngjitet në skenë në fundjavën e dytë të gushtit në Prishtinë.

“Parku i Gërmias do të jetë në flakë! Do të na duhet të dyfishojmë numrin e zjarrfikësve!”, – shkruan Dukagjini në postim, në të cilin ka komentuar mami i Ledrit dhe reperi.