Prej dy ditësh vendi ynë është përfshirë nga një situatë e jashtëzakonshme si pasojë e reshjeve të dendura të shiut, të cilat kanë sjellë përmbytjen e shumë zonave. Një ndër zonat më të prekura ka qenë edhe Fushë-Kruja
Forcat e Ndërhyrjes së Shpejtë në Tiranë janë në gatishmëri të banorëve të përmbytur kryesisht në zonën e Dervenit në Fushë-Krujë. Mësohet se janë evakuuar dhjetëra familje, por ende shumë njerëz kanë mbetur në banesat e tyre.
Në një video të shpërndarë nga Policia, ata janë në aksion natën dhe ditën, e madje kanë përdorur edhe gomone për t’ju ardhur në ndihmë banorëve që kanë rrezikuar më shumë.
Nga efektivët e FNSH-së janë evakuuar disa banorë dhe automjete. “Hajde hipni”, dëgjohen ata teksa shoqërojnë banorët.
“Edhe pak”, thotë një tjetër që mban prej krahu një të moshuar dhe e ndihmon të hipë në furgonin e policisë.