Presidenti i SHBA-ve, Donald Trump ka zemëruar opinionin francez duke sugjeruar se sulmet e vitit 2015 në Paris mund të ishin ndalur duke e pajisur popullin francez me armë.

Sikurse shihet në video ai imitonte personat e armatosur duke thirrur dhe duke vrarë viktimat një nga një, duke thënë “Bum! Ejani këtu!” dhe duke përdorur dorën e tij për të imituar një armë duke u gjuajtur.

Në të vërtetë, autorët e sulmit i qëlluan shumë prej 130 viktimave të tyre me armë zjarri gjysmë-automatike dhe bomba të lidhura në trup.

“Askush nuk ka armë në Paris, askush, dhe ne të gjithë kujtojmë më shumë se 130 njerëz, plus një numër të madh njerëzish të plagosur e vrarë. A e vëreni se askush nuk flet ndonjëherë për to?”, tha Trump.

“Ata u vranë brutalisht nga një grup i vogël terroristësh që kishin armë, morën kohën e tyre dhe i qëlluan ato një nga një. Por nëse një punonjës ose vetëm një qytetar të kishte një armë, duke synuar drejtimin e kundërt, terroristët do të kishin ikur ose do të qëlloheshin”, shtoi ai.

Pas kësaj gjuhe të përdorur nga Trump, i cili më herët kishte justifikuar mbështetjen e tij për lobin e armëve të NRA duke “thumbuar” Londrën zyrtare, ministria e Jashtme franceze bëri thirrje që kujtesa e viktimave të respektohet.