Ky është momenti shokues kur një adoleshent ra pa ndjenja pasi u rrah nga 10 të rinj në Londer. Pamjet u morën nga kamerat e rrugës dhe filmuan momentin kur ata e godasin edhe me karrige, vetëm e vetëm për t’i vjedhur telefonin. Policia tani është vënë në ndjekje të 10 të rinjve që bënë për spital 19-vjeçarin. Viktima po ecte në vendngjarje për të kapur autobusin, kur u përball me grupin e të rinjve. Nga raportimet e doktorëve ai ka disa plagë në fytyrë dhe kokë, por është jashtë rrezikut për jetën.