Një qendër tregtare në Hong Kong është “mbërthyer” nga kaosi dhe paniku, pasi njëra prej shkallëve elektrike ka pësuar defekt duke ndryshuar kahun e lëvizjes. Sikur të mos mjaftonte kjo, shkallët kanë filluar të lëvizin me shpejtësi të madhe duke marrë me vete njerëzit që ndodheshin në to.

Të paktën 17 persona u plagosën nga incidenti dhe një prej tyre u dërgua menjëherë në spital. Në incidentin e filmuar nga kamerat e sigurisë, dhjetëra klientë kishin hipur mbi shkallët ngjitëse, në momentin kur ato u kthyen për poshtë.