Në të gjitha situatat një këngë e duhur është në gjendje të ndikojë në gjendjen tonë emocionale. Ajo na “karikon”, na ngushëllon, na argëton, na bën të ndjehemi mirë. Sipas studimeve, muzika është në gjendje të ndikoje edhe në zona të tjera te trurit përgjegjëse për reagime të tjera edhe më të ndërlikuara.

1-Performanca sportive

Një studim i Georgia Southern University ka treguar se dëgjimi i muzikës qe pëlqen përmirëson ne masën 20% performancën sportive. Kemi te bëjmë me një lloj dopingu legal që për më tepër nuk dëmton shëndetin, përkundrazi.

2-  Në lindjet para kohe

Është provuar se muzika është në gjendje të krijoje një sfond të përshtatshëm për fëmijët e lindur përpara kohe. Sipas disa studiuesve kanadezë, kjo i ndihmon ata për të përballuar më mirë dhimbjet si dhe për të formuar zakone më të mira në lidhje me refleksin e të ushqyerit, duke ndihmuar kështu drejtpërsëdrejti në rritjen e peshës së tyre. Zhanri i preferuar? Shpesh ajo klasike, sidomos Moxartu.

3- Veç të porsalindurve, muzika ju bën mirë edhe bimëve

Ky konstatim përbën thelbin e një studimi me titull: “The Sound of Music and Plants”, i autores Dorothy Retallack. Ajo bëri një eksperiment që konsistonte në vënien e muzikës ndaj dy grupeve identike bimësh. Ai grup të cilit iu vu muzikë rock, u pa se u rrit më pak se grupi i bimëve që pati muzike të lehtë, të cilat u rriten ne mënyrë me uniforme dhe u bënë më të gjelbërta.

4- Dëmtimet cerebrale

Muzika është një mjet i mire për të rikuperuar dëmtimet të lehta cerebrale, madje edhe gjendje të lehta të sëmundjeve neurodegjenerative. Kështu është eksperimentuar se dëgjimi i muzikës ka dhënë rezultate të pëlqyeshme tek pacientët me iktus.

5- Bashkon (ndan) njerëz

Muzika afron grupe njerëzish që kanë shije të përbashkëta muzikore, sikurse mund të bëjë edhe të kundërtën. Është provuar se kur dikush dëgjon një muzikë të pa pëlqyer për të, tek ai ndërpritet sekretimi i dopaminës, hormonit të kënaqësisë. Kjo bën që njerëzit te grupohen dhe të kërkojnë mjedise në të cilat dëgjohet një lloj i caktuar muzike.

6- Dëgjimi

Muzika është provuar se kur dëgjohet në mënyrë të vazhdueshme, është në gjendje të parandalojë humbjen e dëgjimit që vjen për shkaqe natyrale që lidhen me moshën. Është provuar se një fans 70-vjeçar i muzikës është në gjendje të dalloje tingujt muzikorë në një mjedis me zhurmë, më mirë se sa një tjetër që është 50 vjeç, por pa pasionin për dëgjimin e muzikës.

7- Zemra

Muzika u bën mirë të sëmurëve me probleme të aparatit kardiovaskular, duke ndihmuar në uljen e presionit të gjakut dhe të gjendjes së ankthit. Në këtë rast ndikimi i saj ka të bëjë me zgjerimin e vasave të gjakut dhe përmirësimin e qarkullimit të tij, duke favorizuar kështu shëndetin e zemrës.

8- Adoleshentët e tmerrshëm

Nuk është vetëm melodia që sjell efekte pozitive. Një studim britanik i vitit 2008 ka provuar se veç muzikës, edhe teksti i këngës mund të ketë benefite veçanërisht në moshat e reja, duke nxitur bashkëveprimin mes tyre dhe duke dhënë mesazhe sociale si për shembull “Heal the Ëorld” e Michael Jackson.

9- Luftën kundër analfabetizmit

Disa orkestra të organizuara në vendet më problematike të botës kanë meritën se kanë hequr shumë fëmijë nga rruga, duke i ccuar në një drejtim tjetër. Por muzika mund të ndikojë edhe në mënyrë më konkrete. Një studim amerikan i vitit 2009 provoi se muzika që luhet në rrugë bëri që të largohen prej saj dhe zakonit të sjelljeve të këqija shumë fëmijë. Ndërkohë që është vërtetuar se mësimi i notave dhe leximit te partiturave përmirëson dhe fuqizon aftësinë e te lexuarit në përgjithësi, duke ndikuar kështu edhe në luftën kundër analfabetizmit.

10- Shitjet

Nga kauzat e mëdha sociale, le të kalojmë te ekonomia. Është provuar se një lloj i caktuar muzike, kryesisht ajo e qetë në sfond, e luajtur në dyqane, ndikon në numrin e shitjeve të një malli të caktuar. Psh, duke dëgjuar muzike franceze në një dyqan verërash, njerëzit blenë më shume verë të prodhimit francez, ndërkohë kur në dyqan u luajt muzikë gjermane, më të shitura dolën pikërisht verërat gjermane.

11- Shijet

Duke qëndruar te verërat muzika është në gjendje të modifikoje deri edhe shijet. Kështu, edhe një verë ekonomike, e shoqëruar me një muzike të lehte nësfond, e përmirëson në masën 60% shijen e saj në perceptimin e atij që po e pi.tiranaobserver