Policia e Shkodrës ka asgjesur me anë të djegies 293 rrënjë cannabis sativa. Mësohet se bimët narkotike janë zbuluar në Vaun e Dejës, në vendin e quajtur Kullagji të fshatit Mnelë.
Për ti shpëtuar policisë, kultivuesit kishin zgjedhur që lëndën narkotike ta kultivonin në trokë pa pronar, një fenomen ky që po haset shpesh gjatë kësaj periudhe në mbarë vendin.
Policia thotë:
“Bimët narkotike ishin të mbjella në tokë pa pronarë, në një sipërfaqe mali të pyllëzuar me shkurre e pisha, të cilat u asgjesuan me djegie”.
Ndërkohë uniformat blu po punojnë për identifikimin dhe kapjen e autorëve, ndërsa materialet iu referuan Prokurorisë për hetime të mëtejshme.