Një person ka humbur jetën në Shkodër pasi është përplasur nga një makinë.

Ngjarja ka ndodhur në aksin rrugor Shkodër - Koplik, ku një person që po udhëtonte me biçikletë është përplasur nga mjeti tip “Benz” me targa “SH 9861 D”. 72-vjeçari Zef Canga është dërguar me urgjencë në spital ku ka ndërruar jetë si pasojë e plagëve të shkaktuara nga përplasja.

Policia ka mbërritur në vendngjarje dhe ka nisur punën për zbardhjen e shkaqeve.