Udhëtimi me biçikletë ka qënë fatal për një 60 vjeçar nga Shkodra. Mësohet se 60 vjeçari gjeti vdekjen si pasojë e një aksidenti të rëndë rrugor të ndodhur në hyrje të qytetit verior.
Ngjarja e rëndë ka ndodhur gjatë paradites, në afërsi të një karburanti pranë urës së vjetër të Bunës. Një automjet tip “Benz”, e cila drejtohej nga shtetasi Marjo Progni 22 vjeç, banues në Shkodër, ka përplasur me pasojë vdekje një shtetas që po udhëtonte me biçikletë, rreth të 60-ave, të cilit akoma nuk i dihen gjeneralitetet.
Pamjet e siguruara nga kamerat e karburantit tregojne edhe ngjarjen e ndodhur në këtë zonë, ku shihet i moshuari i cili ka qenë duke lëvizur në anë të rrugës me biçikletë kur në një moment tenton të kalojë në anën tjetër duke i ndërprerë automjetit rrugën, i cili pavarësisht se tenton të frenojë nuk arrin të evitojë përplasjen e të moshuarit. Mësohet se 22- vjecari është ndaluar menjëherë për ti ardhur në ndihmë të moshuarit por përplasja ka qënë fatale për të, duke bërë që 60 vjeçari të ndërrojë jetë në vendngjarje.
Mësohet se menjëherë kanë mbërritur edhe efektivët e policisë si dhe grupi hetimor duke nisur hetimet për këtë aksident që dyshohet se ka ardhur si pasoje e pakujdesisë, pikërisht nga prerja e rrugës nga i moshuari.
Efektivët e policisë kanë shoqëruar edhe drejtuesin e mjetit në komisariat për veprime të mëtejshme deri në sqarimin e plotë të shkaqeve të aksidentit ku humbi jetën shtetasi në fjalë.