Komuniteti i Piazencës në Itali vazhdon të jetë i shokuar pas ngjarjes, ku dy të rinj u aksidentuan për vdekje në orët e para të mëngjesit.

Viktima të aksidentit kanë mbetur Ergi Skënderi dhe Xhuljo Kaja, respektivisht 20 dhe 22 vjeç, pasi kanë dalë nga një lokal nate e po ktheheshin në shtëpi. Shoferja që ka shtypur për vdekje të rinjtë ishte italiania Irena Vetere siç raporton “BalkanWeb”.

Rezultoi se Vetere ishte 5-fish mbi normën e lejuar. Gruaja është në spital në pritje të arrestimit nga policia dhe po përballet me akuzën e vrasjes së 2-fishtë. Vetere ka lindur në Rusi, por është rritur në Itali. Ajo është sipërmarrëse dhe dy vjet më parë ka qenë pjesë e fushatës në mbështetje të kandidatit Paolo Rizzi për kryebashkiak të Piacenza-s.

Në të kaluarën, asaj i ishte hequr patenta për shkak se e ngsite makinën në gjendje të dehur.