Tani e në vazhdim përveç intervaleve muzikore si dhe emisioneve tashmë të suksesshme e të larmishme si: Fun Day, 3Jat, IN Life, IN Da Hood, Zoom IN, Gossip Girl, Geek Room, IN News dhe Agenda, IN Tv sjell për miqtë e tij teleshikues edhe një larmi filmash, dokumentarësh, seriale të ndryshme për fëmije dhe të rritur që do t’ju shoqërojnë për gjatë gjithë javës.

Në orën 17:00 ju pret seriali për adoleshentë, “Popland”. Nga provinca e qetë në kryeqytetin e zhumrshëm, si paparazzi për një nga blogjet më popullore të momentit, rebelja Karla fillon jetën në mes të shkëlqimit, njerëzve të famshëm dhe skandalit.

Për të gjithë të rriturit, në orën 18:30, “Kokrrat” vijnë në IN Tv me treshen simpatike të djemve të cilët nëpërmjet stereotipeve të ndryshme do t’ju ballafaqojnë me situatat e realitetit të sotëm modern shqiptar, nga më gazmoret  të ekzagjeruarat tek më të çmendurat.

Për ju të apasionuarit e kinemasë ora 21:30 sot do të rezervojë një film të njohur komedi, “The Cable Guy”, i cili sjell aktorin ikonik Jim Carrey në rolin e një tekniku kabllori të çmendur dhe të vetmuar, që është i gatshëm për gjithçka kur miku i tij i ri Çip nuk do ta ketë më pranë. Edhe t’ia kthejë jetën në ferr!

Sigurisht programacionit të ri i ka paraprirë prej pak ditësh edhe një fushatë interesante në mediat sociale, nën hashtagun #shohINtv, ku ju mund të bëheni pjesë fare lehtë. Informohuni më tepër duke vizituar faqen tonë në Instagram dhe Facebook. IN Tv for life!