Gardiani i portës së Juventus ka shokuar të gjithë me deklaratën e tij të dhënë për 'Corriere delle Sport' një ditë para ndeshjes me Real madritin

Buffon ka pranuar se historia e ka treguar se Real Madriti është më i mirë se juventusi dhe se spanjollët janë favorit në këtë përballje.

“Reali është më i mirë se Juventusi, këtë nuk e them unë, e thotë historia. Vitet e fundit kanë demostruar se kanë diçka speciale. Ata janë favoritët, por në futboll nuk ekziston asnjë skuadër e pamposhtur dhe ne mund të garojmë. Duhet të jemi ambiciozë” ka deklaruar Buffon

Gjatë intervistës me prestigjiozen italiane kapiteni i bardhezinjëve ka komentuar dhe lojën e Ronaldos duke e cilësuar atë si një vrasës gjakftohë.

"Kam një admirim të palimituar për Cristianon, ka mundur të përmirësohet me kalimin e kohës. E admiroj sepse është një përson që e di se çfarë bën dhe është mjaft pragmatik dhe në vitet e fundit ai ka treguar se është inteligjent.Nuk kam parë kurrë më parë një njeri me instiktin vrasës të Ronaldos. Ftohtësinë që ka ai para portës e kam parë vetëm te Trezeguet”, shprehet Buffon