Një vajzë 4 vjeçare ka përjetuar një situatë të tmerrshme këtë të hënë kur krahu i saj ngeci në parmakun e shkallëve lëvizëse të qendrës tregtare Parramatta Westfield në Sidnei.

Krahu i saj u bllokua në rripin lëvizës të parmakut kur ky i fundit preku dyshemenë.

Video e incidentit tregon se si babai i vajzës vendos duart në kokë i stresuar para se të tentojë ta shpëtojë atë, raporton 7 News.

Teksa rojet e sigurimit u përpoqën të ndihmonin me mjetet e tyre, turma që gjendej aty u afrua për të qetësuar 4 vjeçaren.

Shitësit e dyqaneve thanë se kurrë nuk i harrojnë ulërimat që dëgjuan.

Pasi Shërbimet e Emergjencave  arritën të shpëtojnë vajzën e cila mori disa plagë në krahë, e dërguan atë menjëherë në Spitalin e fëmijëve në Westmand ku dhe më pas është liruar.