Një video shumë e dhimbshme është filmuar në një kopësht privat në Tiranë, ku administratorja e kopështit, ushtron dhunë fizike dhe psikologjike  ndaj një të mituri 3 vjeçar. Prindërit paguajnë për edukimin dhe sigurinë e fëmijës së tyre, ndërkohë administratorja e kopështit “Diren”,  Anjeza Shabani, bën krejt të kundërtën. Ajo e qëllon të voglin me forcë në duar, i shkul veshin dhe e dhunon vazhdimisht duke i thënë “Pusho, mbylle gojën”, ndërkohë që vogëlushi duke qarë shkon te edukatorja tjetër që ndodhet në dhomë në mënyrë që të gjejë mbështetje.

Këto pamje shokuese janë transmetuar sonte në emisionin Stop në Tv Klan dhe janë filmuar në kopshtin “Diren”, Sauk, pas denoncimit të babait të djalit 3 vjeçar, pasi kishte parë shenja dhune në trupin e vogëlushit të tij.