Gjuetia e paligjshme nuk kursen as shpendët e rralla në Lagunën e Nartës.

Një pelikan kaçurrel i cili duhet të jetë një specie e mbrojtur është gjetur sot nga peshkatarët e Nartës, i vrarë me armë gjahu.

Pelikani kaçurrel është një nga shpendët më të rrallë në të gjithë Mesdheun që preferon të rritet dhe të banojë në Lagunën e Karavastasë dhe atë të Nartës.

Ai është një nga speciet e mbrojtura në Shqipëri si një atraksion turistik i veçantë i rajonit të Myzeqesë.

Ky zog i madh, është më i madhi në llojet e pelikanëve si edhe një nga speciet e shpendëve më të mëdha që ekzistojnë sot.