Universiteti i Lyon-it në Francë është tronditur nga disa shpërthime, të cilat dyshohet se janë shkaktuar nga rrjedhja e gazit. Ngjarja ka ndodhur në juglindje të Francës. Mediet e huaja raportojnë se deri më tani thuhet se tre persona kanë mbetur të plagosur.

Nga pamjet që vijnë nga vendi i ngjarjes shihet zjarr i madh dhe shtëllunga të mëdha tymi. Po ashtu bëhet e ditur se zjarri filloi në tarracën e ndërtesës së kampusit universitar, gjatë kohës që kryheshin disa punime në çati.