Pesë persona kanë mbetur të plagosur si pajosë e një shpërthimi të fuqishëm që ndodhi pranë një karburanti në Vaqarr të Tiranës. Ngjarja afër një karburanti pranë Urës së Beshirit. Policia ka dhënë detaje lidhur me shpërthimin që ndodhi pasditen e tës shtunësnë lokalin pranë karburantit. Si pasojë e shpërthimit kanë mbetur të dëmtuar 5 shtetas, ku dy prej tyre ndodhen në gjendje jo të mirë shëndetësore. Të plagosur janë E. L. 24 vjeç, N. H. 23 vjeç, A. L. 53 vjeç, L. D., 48 vjeç dhe shtetasi M. M. 38 vjeç. Shkaku ka qenë një reaksion kimik që ka ndodhur gjatë furnizimit të kësaj pike karburanti dhe më pas një shkëndijë elektrike ka shkaktuar shpërthimin.
“Nga hetimet paraprake rezulton se pika e furnizimit të pikës së karburantit me lendën djegëse benzinë, ndodhet në brendësi të lokalit, ku gjatë furnizimit të kësaj pike karburanti dyshohet se ka ndodhur një reaksion kimik duke kthyer lendën djegëse të benzinës nga të lëngët në të gaztë”-bën të ditur policia. Grupi hetimor në vendin e ngjarjes po punon për sqarimin e plotë të rrethanave të kësaj ngjarje.