Një Shqipëri ndryshe nga ajo që pamë ndaj Austrisë. Kombëtarja jonë bindi sontë si në lojë ashtu edhe në rezultat ndaj kombëtares së Luksemburgut, rezultat i cili mund të ishtë më i thellë nëse do të finalizoheshin siç duhet rastet e krijuara nga futbollistët tanë.

Luksemburgu ishte me 10 lojtarë portieri i tyre u ndëshkua me karton të kuq në fund të pjesës së parë.

Shqipëria ka kaluar në epërsi në minutën e 63-të me anë të Sadikut, i cili kishte vetëm 2 minuta që u aktivizua në lojë dhe u asistua nga Ergys Kaçe.

Rastet e shumta nuk munguan për ekipin tonë përfaqësues. Ishte pikërisht sulmuesi që aktivizohet në Turqi, Sokol Cikalleshi ai që dyfishoi rezultatin në 2 me 0.  Sulmuesi i Istanbul Basaksehirit, mori një top në zonë, kaloi një mbrojtës, goditi fuqishëm dhe tundi rrjetën për të dytën herë.