Shqipëria performon sot në Eurovizion, ja ç'duhet të dini [VIDEO]

Publikuar më: 16:50 12-05-2016

Sonte është nata e shumëpritur, ku secili do të testojë pritshmëritë e tij pasi në skenën e Eurovizionit do të performojë këngëtarja që përfaqëson Shqipërinë, Eneda Tarifa.

Tashmë garojnë 42 shtete për të fituar Eurosong-un dhe duke qenë se konkurenca është shumë e larmishme, shanset që Shqipëria të fitojë janë shumë të vogla. Megjithatë ne ende vazhdojmë të jemi optimist dhe urojmë që ajo shprehja klishe, “Eurosong është një festival politik “, të mos jetë më e vlefshme. Shumë surpriza priten përveç të ftuarit special që do të jetë këngëtari i njohur Justin Timberlake, edhe nga vetë konkurentët performues të cilët do të sjellin shumë supriza me performancat e tyre. E tillë pritet të jetë edhe ajo e këngëtarit nga Biellorusia të cilit edhe pse nuk ju pranua idea për të performuar lakuriq në skenë, i rrethuar nga disa ujqër, i mbeti përsëri besnike kësaj ideje performimi por me një formë tjetër. Teksa do të performojë në skenë, në Ledwallin pas tij do të shaqet iamzhi i këngëtarit lakuriq i rrethuar nga ujqër.

Megjithatë ne i kemi sytë nga Shqipëria e cila do të performojë sonte dhe shpresojmë që të mbërrijmë në finalen e 14 majit. Kjo do të ishte një arritje goxha e madhe për “Fairytale” dhe Enedën. Ndërkohë, këto janë 18 shtetet që do të performojnë në gjysmëfinalen e sotme.