Pas ngjarjes së djeshme të ndodhur në Bularat gjatë ceremonisë funerale të Konstandin Kacifa, Shqipëria shpalli “non grata” 52 ekstremistë grekë.

Mirëpo pas këtij vendimi ka ardhur edhe reagimi nga Ministria e Jashtme greke. Athina zyrtare bëri thirrje që pala shqiptare të qëndrojë larg deklaratave e veprimeve qe rendojnë klimën mes dy vendeve.

“Ne presim që Shqipëria të përmbahet nga deklaratat dhe veprimet që rëndojnë klimën e marrëdhënieve tona. Ne presim qartësimin thelbësor të vendimit të autoriteteve shqiptare për shpalljen e 52 qytetarëve grekë të padëshirueshëm.”, thuhet në deklaratën e Ministrisë së Jashtme greke.