“Njeriu që bën bashkë artin dhe pushtetin”, është kjo pikërisht fjalia kyçe me të cilin emisioni “Kultur” në televizionin gjerman “ZDF” ka vendosur ta përshkruajë kryeministrin Edi Rama.

Reportazhi nis me krahasimin në kohën kur Gjermania ndahej me mur mes dy pjesëve të saj, lindjes dhe perëndimit dhe kur Shqipëria cilësohet si një hap prapa dhe e krahasonin me Korenë e Veriut.

Në reportazhin e emisionit gjerman, kryeministri Rama cilësohet si një nga njerëzit kyç në rrugën për zhvillimin e vendit drejt BE-së.

“Arti është një lloj lutje ndërsa jashtë luftohet. Po. Politikë do të thotë të luftosh, ndërsa të pikturuarit është si të lutesh”, shprehet Edi Rama në reportazhin e ZDF-së.