Reshjet e mëdha të dëborës që përfshinë Shqipërinë këto ditë kanë krijuar vështirësi në qarkullim. Rruga e Kombit, që kalon nëpër zonat malore të Mirditës dhe Kukësit është prej 2-3 ditësh e mbuluar nga bora dhe reshjet ende vazhdojnë. Borëpastrueset vazhdojnë të jenë në punë, por moti me erë dhe temperaturat e ulëta kanë sjellë ngrica në disa pjesë, si dhe në daljet e autostradës, ku këshillohet të bëhet kujdes. Prej 24 orësh, 6 borëpastruese dhe personeli i firmës së mirëmbajtjes janë në gjendje gadishmërie. Tjetër gjë është në shtetin Serb ku siç e dëshmojnë edhe fotot autostrada Beograd-Nish ka dalë jashtë funksionit dhe është bllokuar për qarkullim, temperaturat kanë shkuar deri në minus tetë gradë, derisa lartësia e mbuluar nga bora është deri në 16 cm,njoftojnë mediat beogradase. Më poshtë do të sjellim foto nga autostrada Rrëshen-Kukës dhe aksi Kukës -Morinë për pjesën e Shqipërisë dhe foto të autostradës Beograd-Nish e bllokuar në Serbi. Ndryshimi është i dukshëm.

Autostrada Rrëshen-Kukës , Kukës -Morinë

Autostrada Beograd-Nish është bllokuar për qarkullim