Shqipëria vijon që të mbetet vendi europian me numrin më të lartë të azilkërkuesve në Bashkimin Europian për vitin 2016. Të dhënat e bëra publike nga EUROSTAT. tregojnë se 28 mijë e 925 shqiptarë kërkuan azil për herë të parë në BE gjatë vitit të kaluar. Megjithatë krahasuar me vitin 2015 numri i azilkërkuesve është përgjysmuar. Pas Shqipërisë, për numrin e lartë të azilantëve europianë brenda Europës ishte Rusia me rreth 23 mijë azilkërkues. Më pas, për nga numri i lartë ishte Ukraina me 11,090 persona e ndjekur nga Turqia me 10 mijë e 100 persona. Në renditje vjen më pas Kosova me mbi 89 mijë azilkërkues rishtas në BE më 2016. Vendet e preferuara të shqiptarëve për azil edhe vitin e kaluar mbeten Gjermania dhe Franca me nga 14, 855 dhe 6,850 azilkërkues secila. Por në fakt EUROSTAT zbulon një risi lidhur me hartën e migracionit. Gjatë vitit 2016, rreth 1300 shtetas shqiptar kërkuan azil ekonomik në Greqi. Vende të tjera europiane të preferuara për azil nga shqiptarët qenë Britania e Madhe, Holanda dhe Suedia. Edhe më 2015, Shqipëria dhe Kosova ishin dy shtetet e Europës Lindore që kanë kryesuar në kërkesat e tyre për azil në BE.